Repetitieweekend Teuven

Één reactie

1. Beheerder schreef:

   16 juli 2010 om 12:11

   Hierbij een reactie die het bestuur ontving na het repetitieweekend:

   Leef leie vaan Sint Michaël,

   Gere wèl veer middels dees weeg eve trökkoume op ’t rippetitieweekend zoewie dat twie weke geleie in Teuven(B) heet plaotsgevoonde. Veer kinne trök loere op ‘n geslaag gebäöre mèt ’n formidabel aofsletingskonzèr door ’t hermenie-orkès en drumband, op zoondag in De Klaekeburg, boe’t geer alle gruuts op kint zien. Vaanzelf moot hei en dao muzikaol nóg get fien geslepe weure meh ouch dat geit uuch lökke veur oktober. Geer höb jummers nog ’n paor maond tot ’t zoe wied is.
   Neve ’t muzikaol karakter höbbe veer ouch met genoege kinne woernumme wie tot geer es gróp plezeer kint make, getuige de sjoene en gezèllegen aovend dee veer met us alle op de zaoterdag höbbe gehad. Bröllend en dobbel ligkend vaan de lach beveurbeeld um de geplande en spóntaone optrejjes zoe wie verzörg door ’n aontal vaan uuch. Ouch is ‘t ’n genot gewees um te zien wie de organisatie es ’n geoliede machien heet gedrejd door oonder aander ouch lui dee gei deil oetmake vaan ’t bestuur.
   Mèt daank aon uuch allemaol, de gastdocente, en in ’t bezunder aon us dirizjente Inge en Ad, veur de inzat welke getoend is mèt es doel um de in gaank gezatte weeg umhoeg continuïteit te geve.

   Veur us, es nui bestuursleie, höb geer ’n pläötske verworve in ’t lieske vaan dinger dee veer sjiek vinte en boe veer us daan ouch veur wèlle inzette.

   Chapeau veur uuch alle en mèt de kómpleminte,

   John en Frans

   Beantwoorden